حيــــــــــــــــــــاتي http://battekh.nireblog.com مواقف من حياتي Sat, 21 Nov 2009 05:15:01 +0300 حيــــــــــــــــــــاتي http://files.nireblog.com/blogs/battekh/gravatar.gif http://battekh.nireblog.com http://nireblog.com هل الرجولة في المواقف الخطاء تسمي رجولة؟ http://battekh.nireblog.com/post/2008/03/27/uu-ouoouuo-uus-ouuuouu-ouoooo-oouus-oouuooy http://battekh.nireblog.com/post/2008/03/27/uu-ouoouuo-uus-ouuuouu-ouoooo-oouus-oouuooy  
iv4.jpg
 
لما تتفق مع واحد انه مش هيقول علي موقف انت عملته
 
والموقف ده غلط فهل ده يعتبر رجولة؟
 
ولو قال علي الموقف ده وشهر بيك فهل يعتبر صح ولا غلط؟؟
 
طيب لو كان مشارك معاك في الموقف ده وهو اللي فتش السر؟
 
فده يبقي ايه؟
 
انا مش عارف
 
هل ده عيب في شخصية الشخص ده ولا فاكر انه لو قال مش هيحصل حاجة
 
ولا ايه بالظبط؟
 
بس عموما اللي اعرفه ان الراجل بيتربط من لسانه
 
وحتي لو كده اللي يستر علي شخص عمل حاجة غلط
 
متهيالي هو ده الصح ان تستر عليه مش تفضحه وخاصة لو انت مشترك معاه في الغلط ده
 
وبرضه هل من الرجولة ان الشخص يتمسك بمبدأ انه رافض حاجة غلط
 
وفي نفس الوقت هو بيعمل حاجة غلط تاني خالص
 
بس اللي اعرفه انه المبادئ لا تتجزاء
 
وخاصة انه هو مقتنع بالحرية الشخصية
 
فبالتالي طول منت بتعمل حاجة غلط ومش بتضره يبقي هو مالهوش دعوة
 
وخاصة انه مش بيتكلم من ناحية النصيحة
 
لا قال ايه بيتكلم من ناحية المبتدئ هلا هالله يامبادئ
 
متهيالي ان الشخص يبقي في حاله وميرضاش حاجة لنفسه وينكرها علي غيره
 
انا مش بحب كده خالص
 
بس انا الظاهر عليا اني لازم اخد موقف من الاشخاص اللي عملت معايا كده
 
عالعموم دي حاجة من بحر في مواقف بتحصل 
 
ويبقي السؤال هل دي رجولة ولا ايه؟
 
ولنا لقاء قريب
 
 

Comments

]]> Thu, 27 Mar 2008 17:38:29 +0300 يوم فــي حيــــاتـــــــــــي http://battekh.nireblog.com/post/2008/01/08/%d9%8a%d9%88%d9%85-%d9%81%d9%80%d9%80%d9%8a-%d8%ad%d9%8a%d9%80%d9%80%d9%80%d9%80%d8%a7%d8%aa%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%8a http://battekh.nireblog.com/post/2008/01/08/%d9%8a%d9%88%d9%85-%d9%81%d9%80%d9%80%d9%8a-%d8%ad%d9%8a%d9%80%d9%80%d9%80%d9%80%d8%a7%d8%aa%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%8a

writer.jpg

سوف اقص عليكم اليوم يوم من حياتي ولقد فكرت في اقصه عليكم ولكن لااعرف لماذا ؟! ولكن سيتضح هذا من سياق الكلام......انه في يوم الثلاثاء الموافق 8\1\2008

استيقظت مبكرا من نومي علي غير الاعادة في حوالي الثامنة والربع ومن عاداتي السيئة اني عندما استيقظ من النوم

اشعل سيجارة واجلس علي جهاز الكمبيوتر الخاص بي

تفقدت الماسنجر لاجد هل هناك احد ؟ ولو اجد شئ ذو اهمية وبعد ذلك ذهبت الي الحمام وتوضأت ورجعت الي غرفتي اخذت سجادة الصلاة وصليت فرض الصبح

وبعد ذلك جلست مرة اخري علي الجهاز ووجدت احد اصحابي علي الماسنجر وطلبت منه اسئلة مادة الزفت وير الخاصة بامتحان اخر الترم للسنه السابقة

ولم يستطع اعطائها لي نظرا لكثرتها ولانه لايعرف الكتابة جيدا علي الماسنجر

اتخنقت رحت قلت انزل افطر وفكرت التفكير المعتاد في ماهو الفطار

قلت اجيب باكو بسكويت واروح علي القهوة اشتريت باكو بخمسين قرش(وكويس انه لسه في حاجة بخمسين قرش) ورحت القهوة وطلبت شاي

وجاني الشاي وقعدت اكل البسكوت وابلع بالشاي

بعد مخلصت فكرت اطلب نسكافيه علشان افوق علشان عاوز اتنيل اذاكر واشعلت سيجارة لحين ما ياتي القهوجي بالنسكافيه وفي هذه الاثناء فكرت ه لاملك ورقة وقلم؟ ولكني تسالت لماذا ؟ والجواب انه طرات لي فكرة ان اكتب ماحدث وماذا يحدث وما سوف يحدث

بحثت في جيبي عن قلم ووجدته لاني لا اتحرك بدونه وبحثت في محفظتي عن ورقة ولحسن الحظ وجدت ورقة عبارة عن نسخة ضوئية لاستمارة اشتراك القطر

وبدات ارشف النسكافيه اكتب الاحداث وبعد هذه الكلمة فكرت في اشعال سيجارة واشعلتها وحينها فكرت في

تفكير الناس المحيطة بي في المقهي نحوي وماذا افعل؟

فانا علي كده منظري غريب قاعد علي قهوة عادية تقتدر تعتبرها قهوة للطبقة الوسطي من الشعب التي لا اقتنع بوجودها

والمحيطين بيا خليط من الموظفين والطلبة والناس اللي علي باب الله ففكرت مليا كيف ينظرون لي وانا امسك القلم واكتب في ورقة

منهم اللي هيقول ده بيذاكر وايه اللي جايبه يذاكر هنا واللي يقول وانا مالي ياعم واللي يقول ده بيكتب طلب

واللي يقول ده عبيط وعامل فيها اديب وانا لا انكر ان ما افعله ادخل في راسي فكرة الاديب المثقف السارح

ولماذا لا اكون اديبا وانا اقول علي نفسي اني امتلك موهبة كتابه القصة القصيرة

فلقد فعلتها مسبقا اثناء محاضرة ليا في الكلية ساعتها كنت مخنوق ومش فاهم حاجة رحت مطلع ورقة وكتبت عدة مواقف حصلت لي وفوجئت انها تشبه قصة قصيرة وطبعا هذا لا يعني اني املك هذه الموهبة ولكن اتمني ان تكون عندي هذه الموهبة وان استطيع تنميتها

وما افكر به الان ماذا سافعل بعد مغادرة المقهي ؟

هل ساذاكر؟! هل ساجلس علي جهازي واتصفح الانترنت والماسنجر والاميلات؟! اما ماذا سافعل؟

وهذا ما ستححده الساعات القادمة

هنا استطيع ان اغير اسم الموقف من يوم في حياتي الي سويعات في حياتي

واعذروني لاني الان لا استطيع ان ازيل فكرة الاديب من ام رأسي فانا تقريبا عايش اللحظة

ماسك القلم في يد والسيجارة في يد وبكتب في الورقة وبشرب النسكافيه علي فترات

وهذا ماراه من حال الادباء في الافلام المصرية

وعلي فكرة انا ورايا امتحان ترم بعد بكرة الخميس ومش عارف اعمل ايه

ربنا يستر

عـــــــمـــــــر بـــــطــــــيــــــــــــــخ صاحب القلم الصادق

Comments

]]> Tue, 08 Jan 2008 12:25:46 +0300 ايه الحل............ارجو الافادة http://battekh.nireblog.com/post/2008/01/06/%d8%a7%d9%8a%d9%87-%d8%a7%d9%84%d8%ad%d9%84%d8%a7%d8%b1%d8%ac%d9%88-%d8%a7%d9%84%d8%a7%d9%81%d8%a7%d8%af%d8%a9 http://battekh.nireblog.com/post/2008/01/06/%d8%a7%d9%8a%d9%87-%d8%a7%d9%84%d8%ad%d9%84%d8%a7%d8%b1%d8%ac%d9%88-%d8%a7%d9%84%d8%a7%d9%81%d8%a7%d8%af%d8%a9  

 live_me_alone_-_lion.jpg

بسم الله الرحمن الرحيم

 انا بمر بحالة من الخنقةاو  الب...مش عارف اقول ايه؟ يعجز اللسان عن التعبير

ليه بيحصل فيا كده

انا مش عارف

 انا عاوز اذاكرواخلص من ام الامتحانات دي

بس ايه الحل؟

عاوز اتجوز واستقر

بس ايه الحل؟

عاوز فلوس كتير اظبط بيها حياتي

بس ايه الحل؟

عاوز استقر نفسيا واهدي كده

بس ايه الحل؟

عاوز علاقتي بربنا تكون احسن من كده وده اهم حاجة بالنسبة ليا

بس ايه الحل؟

انا مش عارف انا عاوز ايه؟

انا عاوز حاجة استقر عليها في دماغي احدد بيها هدفي

انا حاسس اني انسان بلا هدف

بلا معني

بلا حياة

بلا ش اكمل

وسلام  والي لقاء اخر ويارب اكون في حالة نفسية احسن من كده

 

Comments

]]> Sun, 06 Jan 2008 10:57:25 +0300 انا والجواز وهواك.........! http://battekh.nireblog.com/post/2007/05/26/%d8%a7%d9%86%d8%a7-%d9%88%d8%a7%d9%84%d8%ac%d9%88%d8%a7%d8%b2-%d9%88%d9%87%d9%88%d8%a7%d9%83 http://battekh.nireblog.com/post/2007/05/26/%d8%a7%d9%86%d8%a7-%d9%88%d8%a7%d9%84%d8%ac%d9%88%d8%a7%d8%b2-%d9%88%d9%87%d9%88%d8%a7%d9%83  

8750_mb_file_0de42.jpg

بسم الله الرحمن الرحيم

ياجماعة نفسي حد يقوللي اعمل ايه بالظبط

الجواز

طبعا دي مشكلة بتواجه كل الشباب دلوقتي للعوائق المعروفةاللي مش لازم نحكيها

ونكرر فيها علشان منحبطش الناس

المهم انا عاوز اتجوز

ناس هتقولي ليه ده انت لسه صغير عيش حياتك..!؟

وناس تقولي وانت هتقدردي مسئولية ومشاكل انت مش قدها....!؟

وناس تقولي كويس بس خلص دراستك...!؟

وناس تقول وتقول...............الخ

المهم برده

انا ياجماعة عندي عدة اسباب مخلياني عاوز اتجوز

اولها طبعا موجود عند اغلبية الشباب اذا مكنش كلهم

وهو اني تعبان علي الاخر من اللي بشوفه من عري وخلاعة وبنات واللي بقيولوا عليه تظبيط

وكده يعني وحاجات انتوا اكيد فاهمينها

هتقولولي ده كلام  بيحصل عند كل الشباب ومش لوحدك وكل الناس كده وربنا يهدي

هاقول ده ميمنعش انه الواحد يفكر

والرسول عليه الصلاة والسلام قال

من استطاع منكم البائة فليتزوج

صدق رسول الله صلي الله عليه وسلم

وتسالوني ايه السبب التاني

اقولكم انه انا والدي انتقل الي رحمة الله تعالي من حوالي سنة

اسال الله العظيم رب العرش العظيم ان يجعل قبره روضة من رياض الجنة

وان يدخله فسيح جناته وان يجمعه مع النبيين والصديقين والشهداء في الفردوس الاعلي من الجنة

 بدون سابقة حساب او عذاب      اللهم امين

وانا اكبر اخواتي او بمعني ادق انا مش معايا غير اخ اصغر مني في تالتة ثانوي ربنا يكرمه ويرزقه المجموع العالي

والسنة اللي جايه هيدخل كليه ان شاء الله تعالي

وطبعا احنا مفيش كليات في مدينتنا وبالتالي هو هيتغرب زيي

وامي هتبقي لوحدها بالبيت وطبعا صعب او شبه مستحيل انه يحصل

او اني ارضي بيه

فعلي الاقل لازم اتجوز علشان المدام تقعد مع والدتي في البيت

وعمامي اقترحوا عليا الموضوع ده بسبب الموضوع ده

وكمان لسبب تاني لو حكيته هاخش في موضوع تاني مش وقته ولا لزومه

والحمد لله الشقة موجودة بس واسعة وعاوزة تل فلوس علشان تتشطب وتتجهز

والحمد لله في دخل شهري كويس يعين علي العيشة

لحد ماربنا يكرمني واشتغل

فدلوقتي عاوز فلوس علشان اشطب الشقة

وعاوز كمان اهم ما في الموضوع كله وهو........العروسة..!

اكيد بتضحك او مستغرب بس هي دي الحقيقة انا مش لاقي العروسة او بمعني ادق مدورتش عليها

فياريت تقترحوا عليا اعمل ايه في الموضوع ده ولكم جزيل الشكر

ولو في عروسة عند حد فيكم ياريت تقولولي

انا شاب كويس والله وان شاء الله هاحب مراتي حب محصلش وميتوصفش

مدام هي بنت حلال وتتقي الله فيا وفي بيتها وربنا يرزقنا ويرزق كل شاب بنت الحلال اللي تسعده وتقربه من ربنا

وادعولي بالله عليكم

ســـــــــــلام

Comments

]]> Sat, 26 May 2007 00:20:57 +0300 افشخانات.....عفوا قصدي امتحانات....!؟ http://battekh.nireblog.com/post/2007/05/08/%d8%a7%d9%81%d8%b4%d8%ae%d8%a7%d9%86%d8%a7%d8%aa%d8%b9%d9%81%d9%88%d8%a7-%d9%82%d8%b5%d8%af%d9%8a-%d8%a7%d9%85%d8%aa%d8%ad%d8%a7%d9%86%d8%a7%d8%aa%d8%9f http://battekh.nireblog.com/post/2007/05/08/%d8%a7%d9%81%d8%b4%d8%ae%d8%a7%d9%86%d8%a7%d8%aa%d8%b9%d9%81%d9%88%d8%a7-%d9%82%d8%b5%d8%af%d9%8a-%d8%a7%d9%85%d8%aa%d8%ad%d8%a7%d9%86%d8%a7%d8%aa%d8%9f exam.jpg

لا حول ولا قوة الا بالله

بداية كلامي النهارده

هما ليه بيعملوا فينا كده

ليه دايما فاشخينا

ليه دايما ؟؟؟؟؟؟؟

ليــــــــــــــــــــــــــــــــــه؟

مش حرام يسيبونا طول السنة فاضيين

وبعدين كل دكتور فيهم يتنطط 

ويفتكر اعمال السنة دلوقتي

والي عاوز مشروع يفتكره دلوقتي

واللي عايز يت؟؟؟؟؟؟؟؟ يفتكر دلوقتي

ليـــــــــــــــــــــــــه؟

بقي ياناس ياهو في برده

خمس مواد مختلفة واشكال مختلفة من الافشخانات  يووه

قصدي امتحانات

نمتحنهم في خلال عشرة ايام

يبقي ده نسميه ايه

اشي عملي واشي اعمال سنة واشي الدكتور يتحندق

وهو مادته مفيهاش عملي يطلعلها عملي ويمتحنا

واشي تسليم مشروع واشي ......؟

وتبعا احنا بناخد......قصدي الجدول بتاع الامتحانات

واحنا ساكتين...قصدي بنتوجع

واللي عاوز يفسر علي مزاجه يفسر

ياجماعه ايه الحل؟

exam1.JPG 

 

اعمل ايه في الكلية ال؟؟؟؟؟؟؟ دي

ولكن كل اللي هاقدر اقوله حسبنا الله ونعم الوكيل

والصراحة  راحة ياسيدي

انا مبعرفش.......؟

اسيبكم علشاان الحق استعد وانضف نفسي

علشان هاتفشخ يوووووه قصدي هامتحن

ســـــــــــــــــــــــلام

Comments

]]> Tue, 08 May 2007 20:47:11 +0300 اســــكندريـــــة ليــــــــه؟؟؟ http://battekh.nireblog.com/post/2007/05/06/%d8%a7%d8%b3%d9%80%d9%80%d9%80%d9%80%d9%83%d9%86%d8%af%d8%b1%d9%8a%d9%80%d9%80%d9%80%d9%80%d9%80%d8%a9-%d9%84%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%87%d8%9f%d8%9f%d8%9f http://battekh.nireblog.com/post/2007/05/06/%d8%a7%d8%b3%d9%80%d9%80%d9%80%d9%80%d9%83%d9%86%d8%af%d8%b1%d9%8a%d9%80%d9%80%d9%80%d9%80%d9%80%d8%a9-%d9%84%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%87%d8%9f%d8%9f%d8%9f alex2.jpg

ناس كتير بتتعجب من حبي لاسكندرية واني بحب اروح اسكندرية  وهما لو يعرفوا اللي فيها مش بس هيحبوها دول كمان يدوبوا في دباديبها

وانا هاقولكم علي بعض اللي فيها لاني مش هاقدر اقول علي كل اللي فيها لان مش كل اللي فيها يقدر يتوصف

بدات حياتي وعلاقتي باسكندرية من زمان مش فاكر كام سنة والله بس بدات لما كنت اروح مع العيلة نصيف

alex4.jpg

فاكر اول مرة رحت كان احساس غريب وكنت صغير بس احساس بالفرحة علشان فسحة ومية وكده..واول منزلت سيدي جابر وركبنا التاكسي وطلعنا علي البحر شميت ريحة غريبة وسالت عليها قاللولي دي ريحة البحر وما اجملها من رائحة علقت معي لحد لان لما افتكر البحر افتكر ريحته وبدات اشوف الناس ناس زي العسل تحب تهزر وتفرفش

alex3.jpg

والجو حلو صحيح رطوبة بس جميل وبقيت كل مروح مرة بعد مرة علاقتي بيها بتزيد بشكل غير طبيعي

ولما كبرت ولحد ما وعيت شفت العيشة وظروفها هناك لقيت انه كل الناس عايشين اللي فقير واللي معاه فلوس كله عايش او بمعني ادق كله عارف يعيش  وقرايبي هناك حبيتهم وحبوني وعلاقتي معاهم بقت اكثر توطدا من قرايبي اللي في بلدي جرجا  وتبعا بالنسبة لاي شاب اسكندرية عيشة تانية خالص علشان كده انا احبها واعشقها

وبصراحة نفسي اتجوز واعيش فيها

وربنا يوفقنا

alex5.jpg

Comments

]]> Sun, 06 May 2007 21:27:10 +0300 بلدي لو شغلت بالخلد عنه ...... جرجــــــا http://battekh.nireblog.com/post/2007/05/06/%d8%a8%d9%84%d8%af%d9%8a-%d9%84%d9%88-%d8%b4%d8%ba%d9%84%d8%aa-%d8%a8%d8%a7%d9%84%d8%ae%d9%84%d8%af-%d8%b9%d9%86%d9%87-%d8%ac%d8%b1%d8%ac%d9%80%d9%80%d9%80%d9%80%d9%80%d9%80%d8%a7 http://battekh.nireblog.com/post/2007/05/06/%d8%a8%d9%84%d8%af%d9%8a-%d9%84%d9%88-%d8%b4%d8%ba%d9%84%d8%aa-%d8%a8%d8%a7%d9%84%d8%ae%d9%84%d8%af-%d8%b9%d9%86%d9%87-%d8%ac%d8%b1%d8%ac%d9%80%d9%80%d9%80%d9%80%d9%80%d9%80%d8%a7  grg1.jpg

تعتبر جرجا مدينه عريقه من اكبر المدن الاسلاميه في عهد الدولة العثمانية والدولةالمملوكية. بها الكثير من الاثار منها جامع الصيني ومسجد حسن ومسجد جلال والحمام وبها قصر حزب الوفد ويوجد بها مصنع للسكر. ويرجع اسم جرجا الي الاسم الفرعوني جرجيو وهي اخت لرمسيوس الثاني. كانت مدينة جرجا ايام الدولة العثمانية تعتبر ولاية مستقلة ياتيها الوالي من قبل السلطان العثماني وقد تعرضت جرجا في اثناء العصر العثماني الي وباء الطاعون الذي اطاح بمعظم اهلها وهاجر الباقي حتي اتي الشيخ السيوطي في العام 1780 وانشا بها المعهد الديني الذي مازال موجودا الي الان وكانت جرجا ولا زالت مدينة تجارية هامة من اهم المدن في صعيد مصر تعرف جرجا بمدينة العلم والعلماء فقد كان يوجد بها جامع الزبدة او الفقراء الذي كان ياتي الية طالب العلم في الازهر لياخذ الاجازة الرسمية من علماء جرجا الذين كانوا يعطون هذة الاجازة وهي بمثابة الدكتوارة في العصر الحديث اصبحت جرجا احدي مديريات مصر الاربع عشر في عصر محمد علي واصبحت محافظة في العام 1956 وكانت العاصمة سوهاج التي نقلت اليها عام 1948 وفي العام 1960 تم الغاء محافظة جرجا واصبحت تعرف باسم محافظة سوهاج الي الان

وهي الان احد المراكز الكبري في المحافظة وان كانت اقل شانا من ذي قبل فمركز طهطا هو الاول حاليا بالنسبة لمراكز سوهاج كما يوجد كلية اللغة العربية التابعة لجامعة الازهر ويوجد بها مدرسة الصنايع خمس سنوات معلمين وعشرات المدارس الثانويةوبها العديد من العلماء والأدباء منهم من زاع صيته وأشتهر قديماً وما زالت اعماله قائمة حتى الآن مثل الشيخ السيوطى

 

وتبلغ مساحة مدينة جرجا العريقة تقريبا  157.59 كيلومتر مربع م2

وقري جرجا هي :_

نجع المغاربة

قريه:مزاتا واشيخ جبر. الخلافيه

خارفة جرجا*

البربا

المجابره

كوم إشكيلو:

وتعتبر قريه قديمه وأثريه وأكبر عائلتها السنادات ومنهم بيت ابوليله

بيت علام

بيت داود

العوامر بحري

العوامر قبلي

القرعان:

يعقوب : ويطلق عليها عاقوب

الخلافية:

بيت الخريبي

بيت خلاف

الرقاقنة بالجواهين

بني عيش

الجواهين تفصل بين مركز جرجا والمنشاة

المشاوده

كوم الصعايده -

تبعد عن جرجا 5 كيلو وبها عدد من النجوع مثل نج بهنسي ونجع الطينه .

بندار الغربية

بندار الشرقية

نجوع بندار

Comments

]]> Sun, 06 May 2007 21:05:41 +0300